Wha is That at My Bower-Door? (Poem by Robert Burns)

Classic Poem

Wha is That at My Bower-Door? (1)
By Robert Burns


Wha is that at my bower door?
    O, wha is it but Findlay?
Then gae your gate, ye’se nae be here! —
    Indeed, maun I, quo’ Findlay.

What mak ye sae like a thief?
    O come and see, quo’ Findlay;
Before the morn ye’ll work mischief;
    Indeed will I, quo’ Findlay.


Wha is That at My Bower-Door? (2)


Gif I rise and let you in?
    Let me in, quo’ Findlay;
Ye’ll keep me waukin wi’ your din;
    Indeed will I, quo’ Findlay.

In my bower if you should stay?
    Let me stay, quo’ Findlay;
I fear ye’ll bide till break o’ day;
    Indeed will I, quo’ Findlay.


Wha is That at My Bower-Door? (3)


Here this night if ye remain; —
    I’ll remain, quo’ Findlay;
I dread ye’ll learn the gate again;
    Indeed will I, quo’ Findlay.

What may pass within this bower, —
    Let it pass, quo’ Findlay;
Ye maun conceal till your last hour;
    Indeed will I, quo’ Findlay!


Note:
The “Auld man and the Widow,” in Ramsay’s collection is said, by Gilbert Burns, to have suggested this song to his brother: it first appeared in the Museum.

0 Response to "Wha is That at My Bower-Door? (Poem by Robert Burns)"

Post a Comment