The Moudiewort (Poem by Robert Burns)

Example Poem

The Moudiewort
By Robert Burns

(CHORUS)

An O, for ane-and-twenty, Tam,
    An’ hey, sweet ane-and-twenty, Tam,
I’ll learn my kin a rattlin’ sang,
    An I saw ane-and-twenty, Tam.

(1)

They snool me sair, and haud me down,
    And gar me look like bluntie, Tam!
But three short years will soon wheel roun’ —
    And then comes ane-and-twenty, Tam.

(2)

A gleib o’ lan’, a claut o’ gear,
    Was left me by my auntie, Tam,
At kith or kin I need na spier,
    An I saw ane-and-twenty, Tam.

(3)

They’ll hae me wed a wealthy coof,
    Tho’ I mysel’ hae plenty, Tam;
But hear’st thou, laddie — there’s my loof —
    I’m thine at ane-and-twenty, Tam.

        An O, for ane-and-twenty, Tam!
            An hey, sweet ane-and-twenty, Tam!
        I’ll learn my kin a rattlin’ song,
            An I saw ane-and-twenty, Tam.



Note:
In his memoranda on this song in the Museum, Burns says simply, “This song is mine.” The air for a century before had to bear the burthen of very ordinary words.

0 Response to "The Moudiewort (Poem by Robert Burns)"

Post a Comment