My Eppie Macnab (Poem by Robert Burns)

Classic Poem

My Eppie Macnab
By Robert Burns

(1)

O saw ye my dearie, my Eppie M’Nab?
O saw ye my dearie, my Eppie M’Nab?
She’s down in the yard, she’s kissin’ the laird,
She winna come hame to her ain Jock Rab.

O come thy ways to me, my Eppie M’Nab!
O come thy ways to me, my Eppie M’Nab!
Whate’er thou hast done, be it late, be it soon,
Thou’s welcome again to thy ain Jock Rab.

(2)

What says she, my dearie, my Eppie M’Nab?
What says she, my dearie, my Eppie M’Nab?
She lets thee to wit, that she has thee forgot,
And for ever disowns thee, her ain Jock Rab.

O had I ne’er seen thee, my Eppie M’Nab!
O had I ne’er seen thee, my Eppie M’Nab!
As light as the air, and fause as thou’s fair,
Thou’s broken the heart o’ thy ain Jock Rab.



Note:
“Published in the Museum,” says Sir Harris Nicolas, “without any name.” Burns corrected some lines in the old song, which had more wit, he said, than decency, and added others, and sent his amended version to Johnson.

0 Response to "My Eppie Macnab (Poem by Robert Burns)"

Post a Comment