Lovely Davies (Poem by Robert Burns)

Classic Poem

Lovely Davies (1)
By Robert Burns

O how shall I, unskilfu’, try
    The poet’s occupation,
The tunefu’ powers, in happy hours,
    That whispers inspiration?

Even they maun dare an effort mair,
    Than aught they ever gave us,
Or they rehearse, in equal verse,
    The charms o’ lovely Davies.

Each eye it cheers, when she appears,
    Like PhÅ“bus in the morning.
When past the shower, and ev’ry flower
    The garden is adorning.

As the wretch looks o’er Siberia’s shore,
    When winter-bound the wave is;
Sae droops our heart when we maun part
    Frae charming lovely Davies.

Lovely Davies (2)

Her smile’s a gift, frae ‘boon the lift,
    That maks us mair than princes;
A scepter’d hand, a king’s command,
    Is in her darting glances:

The man in arms, ‘gainst female charms,
    Even he her willing slave is;
He hugs his chain, and owns the reign
    Of conquering, lovely Davies.

My muse to dream of such a theme,
    Her feeble pow’rs surrender:
The eagle’s gaze alone surveys
    The sun’s meridian splendour:

I wad in vain essay the strain,
    The deed too daring brave is!
I’ll drap the lyre, and mute admire
    The charms o’ lovely Davies.

Written for the Museum, in honour of the witty, the handsome, the lovely, and unfortunate Miss Davies.

0 Response to "Lovely Davies (Poem by Robert Burns)"

Post a Comment