Ay Waukin O! (Poem by Robert Burns)

Old Poem

Ay Waukin O! (1)
By Robert Burns


Simmer’s a pleasant time,
    Flow’rs of ev’ry colour;
The water rins o’er the heugh,
    And I long for my true lover.
        Ay waukin O,
            Waukin still and wearie:
        Sleep I can get nane
            For thinking on my dearie.


Ay Waukin O! (2)


When I sleep I dream,
    When I wauk I’m eerie;
Sleep I can get nane
    For thinking on my dearie.


Ay Waukin O! (3)


Lanely night comes on,
    A’ the lave are sleeping;
I think on my bonnie lad
    And I bleer my een with greetin’.
        Ay waukin O,
            Waukin still and wearie:
        Sleep I can get nane
            For thinking on my dearie.

0 Response to "Ay Waukin O! (Poem by Robert Burns)"

Post a Comment