Written in a Wrapper (Poem by Robert Burns)

Old Poem



Written in a Wrapper, Enclosing a Letter to Captain Grose
By Robert Burns

Ken ye ought o’ Captain Grose?
                    Igo and ago,
If he’s amang his friends or foes?
                    Iram, coram, dago.

Is he south or is he north?
                    Igo and ago,
Or drowned in the river Forth?
                    Iram, coram, dago.

Is he slain by Highlan’ bodies?
                    Igo and ago,
And eaten like a wether-haggis?
                    Iram, coram, dago.

Is he to Abram’s bosom gane?
                    Igo and ago,
Or haudin’ Sarah by the wame?
                    Iram, coram, dago.

Where’er he be, the L—d be near him!
                    Igo and ago,
As for the deil, he daur na steer him!
                    Iram, coram, dago.

But please transmit the enclosed letter,
                    Igo and ago,
Which will oblige your humble debtor,
                    Iram, coram, dago.

So may he hae auld stanes in store,
                    Igo and ago,
The very stanes that Adam bore,
                    Iram, coram, dago.

So may ye get in glad possession,
                    Igo and ago,
The coins o’ Satan’s coronation!
                    Iram, coram, dago.

0 Response to "Written in a Wrapper (Poem by Robert Burns)"

Post a Comment