On the Birth of a Posthumous Child (Poem by Robert Burns)

Old Poem

On the Birth of a Posthumous Child
By Robert Burns

Sweet flow’ret, pledge o’ meikle love,
    And ward o’ mony a pray’r,
What heart o’ stane wad thou na move,
    Sae helpless, sweet, and fair!

November hirples o’er the lea,
    Chill on thy lovely form;
And gane, alas! the shelt’ring tree,
    Should shield thee frae the storm.

May He who gives the rain to pour,
    And wings the blast to blaw,
Protect thee frae the driving show’r,
    The bitter frost and snaw!

May He, the friend of woe and want,
    Who heals life’s various stounds,
Protect and guard the mother-plant,
    And heal her cruel wounds!

But late she flourish’d, rooted fast,
    Fair on the summer-morn:
Now feebly bends she in the blast,
    Unshelter’d and forlorn.

Blest be thy bloom, thou lovely gem,
    Unscath’d by ruffian hand!
And from thee many a parent stem
    Arise to deck our land!

0 Response to "On the Birth of a Posthumous Child (Poem by Robert Burns)"

Post a Comment